O Concello de Padrón é a porta natural da Ría de Arousa no límite xeográfico entre o sur da provincia da Coruña e o norte da provincia de Pontevedra, separados polo río Ulla. Xunto cos municipios de Dodro e Rois conforma a Comarca do Sar, da que é capital.

Por un lado, o Concello de Padrón atópase afectado pola Área Paisaxística Central, concretamente pola Comarca Paisaxística Terras de Santiago – Barcala, a cal se caracteriza polos vales e a orografía suave. Así mesmo, conta con numerosos cursos fluviais que dan lugar a depresións do terreo. O conxunto do territorio organízase arredor de tres ríos principais, Ulla, Tambre e Sar. Outro aspecto destacable é que é unha das comarcas máis chuviosas de España.

Por outra lado, tamén lle inflúe a Área Paisaxística das Rías Baixas. Concretamente ao municipio de Padrón aféctalle á comarca paisaxística de Arousa – Baixo Ulla. Os trazos xerais que definen esta área son os dunha elevada densidade pobocional o que dá lugar a parroquias con moitas aldeas e moi próximas entre si.

Os núcleos rurais sitúase a media ladeira en contacto coas terras de labranza e o espazo forestal, onde as novas edificacións ‘estiran’ o núcleo cara as terras de labor seguindo as vías de comunicación, cara os nodos proboacionais, utilizando os nodos para o equilibrio do Territorio.

Padrón, como capital comarcal, é o nodo do Sar.

Un dos lugares de maior interese é o val do Sar, onde distintos materiais arxilosos e areentos, baixo depósitos máis recentes, ocultan as fracturas que orixinaron a citada depresión.

Un aspecto importante, que permiteu a expansión e consolidación de Padrón coma nodo ou punto de referencia na comarca, foi a apertura da liña de ferrocarril entre Santiago e Carril.

Actualmente, as principais utilizacións do solo no concello de Padrón (ordeados de maior a menor extensión ocupada) son:

• Eucaliptos
• Mato e rochedo
• Mestura de especies arbóreas
• Repoboacións forestais
• Mato
• Zonas urbanas e industrias

Antigamente Padrón destacou pola actividade téxtil, da cal parteu a insdustrialización da zona.

No municipio de Padrón atópase a Paraxe Pintoresca formada polo contorno no que se integran a casa de Rosalía de Castro, a colexiata de Iria Flavia co cemiterio de Adina e o xardín da vila de Padrón.

Asemade, neste concello cómpre facer referencia ao xardín da Vila de Padrón, Xardín artístico, á casa museo de Rosalía de Castro, Monumento Histórico-Artístico, á ex-colexiata de Iria Flavia, Monumento Histórico-Artístico, á igrexa de Santa María de Herbón, Monumento Histórico-Artístico e á torre do Monte.

Así mesmo, destaca o centro da propia vila, pois nel atopamos Convento e a fonte do Carme, A Igrexa de Santiago e a ponte de Santiago, todos estes monumentos rodeados polo paseo do espolón e o Sar.

Espazo arqueolóxico datado na Idade de Ferro (s. III a. C.) composto por tres elementos: A ermida, a fonte e as dez rochas.