O concello de Dodro sitúase á desenvocadura do río Ulla, barreira natural entre as provincias de A Coruña e Pontevedra, limitando cos concellos de Rois, Rianxo, Lousame e Padrón.

Este municipio atópase na Área Paisaxística das Rías Baixas, concretamente  na comarca paisaxística de Arousa-Baixo Ulla, territorio situado nunha serra formada por grandes bloques graníticos e dista do mar 6 km. 

Os trazos xerais que definen esta área son os dunha elevada densidade poboacional, fenómeno relacionado co acusado minifundio e co alto número de entidades de poboación, o que dá lugar a parroquias con moitas aldeas e moi próximas entre si.

O núcleo rural normalmente sitúase a media ladeira en contacto coas terras de labranza e o espazo forestal, onde as novas edificacións ‘estiran’ o núcleo cara as terras de labor seguindo as vías de comunicación.

Concretamente Dodro é un concello rural, cun elevado número de unidades de poboación, caracterizadas polo seu reducido tamaño e a proximidade entre sí.

Antigamente, Dodro, sobre todo a zona que se atopa máis perto do río é das Brañas de Laíño, destacaba polo gran valor da súa herba (cultivos e prados), óptima para a cría de gando. 

Actualmente, as principais utilizacións do solo no concello de Dodro (ordeados de maior a menor extensión ocupada) son:

– Eucaliptos e coníferas

– Repoboacións forestais

– Cultivos e prados

– Humidais (Brañas de Laíño)

– Augas mariñas (Río Ulla)

Neste concello fundáronse as dúas primeiras cooperativas leiteiras de Galicia (1932) e ubicouse preto Nestlé (1933).

O patrimonio de Dodro destaca polas Eiras de hórreos, pois é o concello da comarca que cun maior número delas. Sobresae Eira da Lavandeira cun total de once horreos e todos cunha boa conservación.

No eido arqueolóxico destaca o Castro de Bexo, sendo un dos poboados máis grandes da zona, ocupando máis de 7.000 m2 próximo as Torres do Oeste.

Finalmente, destaca o cruceiro do Abelán do ano 1672, sendo o cruceiro de ánimas máis antigo de Galicia.

Tamén se debe ter en conta o Hórreo da Miguensa, o cal conta con peculiaridades moi salientables, como o pasadizo na plataforma.