Terras de Iria
Rosalía de Castro naceu o 24 de febreiro de 1837 nunha casa do Camiño Novo (Santiago de Compostela), actual Avenida Rosalía de Castro. A súa nai, María Teresa de la Cruz de Castro y Abadía, proviña dunha familia fidalga, e o seu pai, José Martínez Viojo, foi o sacerdote da Colexiata de Iria. Rosalía Casouno ano 1858 co historiador e tamén escritor Manuel Murguía, co que tivo sete fillos.
Rosalía de Castro considérase a escritora representativa de Galicia no mundo. Por un lado foi ela que como escritora mellor retratou os sufrimentos e máis as esperanzas de todo un pobo, quen mellor se identificou coas aspiracións da Galicia dos humildes. Por outro, como muller, fixo constantes denuncias da discriminación social, política e literaria que as mulleres padecían e fíxoas tamén protagonistas da súa extraordinaria creación literaria, en galego ou castelán, en prosa ou verso. Probablemente nada simbolice mellor a súa obra e máis a súa vida que o río Sar, esixe tamén desta proposta de ruta.
Esta proposta de #RosalíanosCamiños, está composta polos concellos de Rois, Padrón e Dodro.
Aquí comeza a ruta de Rosalía no Camiño
Padrón
Estatua Rosalía de Castro – Paseo do Espolón
Onde se atopa a estatua de Rosalía de Castro propiciada polos padroneses residentes en Uruguay e Bos Aires. No nº4 da Rúa Xoán Rodriguez, estivo unha casa propiedade compartida entre a nai de Rosalía e os seus irmáns na que se criou Rosalía. Na actualidade só existe unha placa.
Dodro
Fonte Vilar
Fonte no límite municipal de Dodro con Padrón, que se aproveita para indicar o incio do mesmo cun machón granítico, sobre o que se labrou o escudo municipal. O cano atópase adornado cunha cabeza de león. Punto de interese na ruta Rosalía nos Camiños.
Dodro
Pazo de Lestrobe
Punto de interés na ruta de Rosalía. O pazo destaca polos seus fermosos xardíns, a súa fonte que se atopa na entrada ao pazo. É unha construcción civil do concello de Dodro, situado no lugar de Lestrobe. Pertence á arquitectura barroca, e inclúe tamén unha capela adicada ao Anxo da Garda.
Dodro
Pazo da Hermida
Propiedade de parentes próximos, pasou Rosalía tempadas enteiras e mesmo escribiu alí parte da súa obra. Neste lugar naceron Ovidio e Gala, fillos da escritora e do historiador Manuel Murguía. Esta construción, declarada como Ben de Interese Cultural, ten a súa orixe no S.XII, nunhas antigas torres defensivas da Ría de Arousa.
Padrón
Santiaguiño do Monte
A fonte, o lugar de limpeza, purificación e perdón dos pecados. Así estivo considerada durante o fenómeno das peregrinacións xacobeas a Padrón. A tradición popular mantivo a crenza de que aquí foi onde, tras golpear tres veces o seu báculo, fixo brotar auga para calmar a sede dunha xentil muller.
Rois
Fondóns
Sito no concello de Rois que instalou unha placa conmemorativa da escritora e poetisa galega recordando o seu paso por aló. Descubreuse que falaba de Fondóns hai dous ano cando a Fundación Casa Museo de Rosalía propuxo a nova ruta de Rosalía.
Rois
Praia Fluvial de Seira
Punto de interese do concello, por ser un paraxe natural idóneo para o descanso, a praia fluvial de Seira é un dos puntos fortes do concello e o máis coñecido por todas as persoas, especialmente no verán, xa que se presta á práctica do ocio acuático e á relaxación.Conta con zona verde e merendeiro.
Rois
Marxe Río Rois
O concello de Rois habilitou 4 pasarelas de madeira para poder cruzar regatos polos que algún día Rosalía de Castro chegou a pasar.
Padrón
Colexiata de Iria Flavia e Cemiterio Adina
Lugar onde estivo soterrada dende 1885 ata 1891, a tumba de Rosalía está sinalizada. A Igrexa de Santa María a Maior foi antigamente Sede Episcopal e está considerado o primeiro templo mariano do mundo.
Padrón
Casa Museo de Rosalía
Casa na que pasou Rosalía os últimos anos da súa vida e nela morreu o 15 de xullo de 1885. Restaurouse en 1971 e convertiuse na Casa Museo en 1972, situando nela a sede da fundación que leva o seu nome. Ao lado da casa edificouse o Centro de Estudos Rosalianos.
Padrón
Espolón
A ruta remata en onde se comeza.
Esta ruta está inspirada no libro «A orillas del Sar» de Rosalía de Castro. Os concellos da Comarca do Sar quixeron representala polo longo do río que era a súa vida literaria. Esta ruta é circular e consta de 16.5km de percorrido. O percorrido e completamente chan agás a subida ao Monte Santiaguiño. A ruta está marcada cunha folla de figueira color morado debuxada por Camilo Seira e representada nas pedras de granito que esculpeu José Conde (canteiro de Rois).
